மேற்கு மண்டல தி.மு.கழக சுற்றுச்சூழல் அணியின் ஏற்பாட்டில் கோவையில் நடைபெற்ற சுற்றுச்சூழல் பயிலரங்கம் மற்றும் சுற்றுச்சூழல் விருதுகள் வழங்கும் விழா சிறப்பாக நடைபெற்றது. இவ்விழா இன்று (26.09.2024 வியாழக்கிழமை) காலை 9.00 மணிமுதல் மாலை 6.00 மணி வரை கோவை ஜென்னிஸ் ரெசிடென்சி ஹாலில் நடைபெற்றது.
வீட்டு வசதித்துறை அமைச்சர் திரு. சு.முத்துசாமி தலைமை தாங்கிய இவ்விழாவில், அயலக தமிழர் நல வாரிய தலைவர் மற்றும் கழக சுற்றுச்சூழல் அணி செயலாளர் திரு. கார்த்திகேய சிவசேனாபதி முன்னிலை வகித்தார். இவ்விழாவில் கழக சுற்றுச்சூழல் அணியின் மாநில துணைச் செயலாளர் திரு. மா. நாராயணமூர்த்தி வரவேற்புரை வழங்கினார், கழக சுற்றுச்சூழல் அணி துணைச் செயலாளர் திரு. ந. மணிசுந்தர் பயிலரங்க அமர்வுகள் அறிமுக உரையாற்றினார்.
தமிழ்நாடு வன உயிரின வாரிய உறுப்பினர் திரு. ஓசை காளிதாசன் விழாவில் கருத்துரைகளை வழங்கி, சுற்றுச்சூழல் முக்கியத்துவத்தை வலியுறுத்தினர். மேலும், திருப்பூர் வடக்கு மாவட்டச் செயலாளர் திரு. கா. செல்வராஜ், திருப்பூர் தெற்கு சட்டமன்ற உறுப்பினர் திரு. நா. கார்த்திக், கோவை மாநகர் மாவட்டச் செயலாளர் திரு. நா. கார்த்திக், கோவை வடக்கு மாவட்டச் செயலாளர் திரு. அ. ரவி, கோவை தெற்கு மாவட்டச் செயலாளர் திரு. தளபதி முருகேசன், கோவை மாநகராட்சி மேயர் திருமதி. ரங்கநாயகி இராமச்சந்திரன், கோவை மாநகராட்சி துணை மேயர் திரு. வெற்றிச்செல்வன் ஆகியோர் சிறப்பு விருந்தினர்களாக பங்கேற்றனர்.
நிகழ்ச்சியின் முக்கிய பகுதியாக, சுற்றுச்சூழல் பிரச்சினைகள், சமூக அளவிலான நிலைத்தன்மை முயற்சிகள், மற்றும் இயற்கை வளங்களின் பாதுகாப்பு குறித்து கலந்துரையாடல்கள் இடம்பெற்றன. விவாதம் நடைபெற்ற பிறகு, சுற்றுச்சூழல் பாதுகாப்பில் முக்கிய பங்கு வகித்த சமூக செயற்பாட்டாளர்கள், நிறுவர்கள் மற்றும் தொண்டு அமைப்புகளின் செயல்பாடுகளுக்கான விருதுகள் வழங்கப்பட்டன. விருது பெறுபவர்களின் முயற்சிகளை பாராட்டி, எதிர்காலத்தில் மேலும் சிறந்த முயற்சிகள் மேற்கொள்ள வேண்டும் என ஆவலுடன் கோரிக்கை விடுக்கப்பட்டது.
இவ்விழாவில், தி.மு.க கழக சுற்றுச்சூழல் அணி மாவட்ட, மாநகர அமைப்பாளர்கள் திரு. பெ. இராமச்சந்திரன் (நீலகிரி), திரு. எஸ். கார்த்திக்குமார் (கோவை வடக்கு), திரு. சூ. ஆ. விஜயகுமார் (கோவை தெற்கு), திரு. பி.ஏ. சேகர் (திருப்பூர் வடக்கு), திரு. கே.கே. செல்வம் (ஈரோடு வடக்கு), திரு. இமயம் என்.எஸ். சிவக்குமார் (ஈரோடு தெற்கு), திரு. ரா.விநாயகமூர்த்தி (நாமக்கல் கிழக்கு), திரு. என். ரவிச்சந்திரன் (நாமக்கல் மேற்கு), திரு. சாவி கே. நல்லுசாமி, திரு. தி.க. தண்டபாணி (திருப்பூர் வடக்கு மாநகர்), திரு. கேபிள் விஜய் (திருப்பூர் தெற்கு மாநகர்), திரு. இளங்கோ (ஈரோடு மாநகர்) திரு.சிதம்பரம் (முன்னாள் ஒன்றியம், காங்கேயம்) திரு. செந்தில் (முன்னாள் நகரம்) உள்ளிட்ட பலர் கலந்து கொண்டனர்.
இவ்விழாவின் இறுதியில் கோவை மாநகர் மாவட்ட சுற்றுச்சூழல் அணி அமைப்பாளர் ஸ்ரீ சத்யா கோவை தங்கம் நன்றியுரையாற்றி, விழாவை நிறைவு செய்தார். நிகழ்ச்சியை ஒழுங்கமைத்தோர், பங்கேற்பாளர்களுக்கு நன்றி தெரிவித்து, பசுமை கொள்கைகள் மற்றும் சமுதாய ஒத்துழைப்பை மேம்படுத்த தங்களின் உறுதியை மறுபடியும் வலியுறுத்தினர். இந்நிகழ்ச்சி, எதிர்கால சுற்றுச்சூழல் திட்டங்களுக்கான ஒரு முக்கிய வழிகாட்டியாக அமையும் என்பதில் உறுதியை தெரிவித்தனர்.
சுற்றுச்சூழல் பாதுகாப்பு குறித்து விழிப்புணர்வு ஏற்படுத்தும் வகையில், இவ்விழாவில் பல்வேறு பயிலரங்கங்கள், விவாதங்கள், மற்றும் சிறப்பு விருதுகள் வழங்கப்பட்டன என்பது குறிப்பிடத்தக்கது.
