இந்திய கடற்படையில் வேலை…

இந்திய கடற்படையின் தகவல் தொழில்நுட்ப பிரிவில் அதிகாரி பணிகளுக்கான வேலைவாய்ப்பு அறிவிப்பு வெளியிடப்பட்டுள்ளது. இது Sub Lieutenant (SSC-Executive(IT) Entry-2024) பதவிக்கானது. மொத்தம் 18 காலியிடங்கள் உள்ளன.

**வயது வரம்பு:** 2.1.2000 முதல் 1.7.2005 வரை பிறந்தவர்கள் விண்ணப்பிக்கலாம்.

**தகுதி:**
– CSE, IT, Software Systems, Cyber Security, Networking, Data Analysis போன்ற ஏதேனும் ஒரு பிரிவில் பி.இ., பி.டெக் முடித்திருக்க வேண்டும்.
– கணினி அறிவியல் அல்லது தகவல் தொழில்நுட்ப பாடப்பிரிவில் எம்.எஸ்சி., எம்.டெக் முடித்தவர்கள் மற்றும் எம்சிஏ முடித்தவர்கள் விண்ணப்பிக்கலாம்.

**தேர்வு செய்யப்படும் முறை:**
விண்ணப்பதாரர்களின் பி.இ., பி.டெக் அல்லது எம்.எஸ்சி., எம்சிஏ, எம்.டெக் படிப்பில் பெற்ற மதிப்பெண்கள் அடிப்படையில் தகுதியானவர்கள் நேர்முகத் தேர்வுக்கு அழைக்கப்படுவார்கள். இது தொடர்பான தகவல் மின்னஞ்சல் மூலம் அனுப்பப்படும்.

**பயிற்சி:**
தேர்வாகுபவர்களுக்கு கேரள மாநிலம் எழிமலா கடற்படை பயிற்சி மையத்தில் ஒரு ஆண்டு பயிற்சி வழங்கப்படும். பயிற்சி ஜனவரி 2025 இல் தொடங்கும்.

**விண்ணப்பிக்கும் முறை:**
www.joinindiannavy.gov.in என்ற இணையதளத்தில் ஆன்லைனில் விண்ணப்பிக்க வேண்டும். விண்ணப்பிப்பதற்கான கடைசி நாள் 16.8.2024 ஆகும்.

**முன்னுரிமை:**
என்சிசி சான்றிதழ் வைத்திருப்பவர்களுக்கு வேலைவாய்ப்பில் முன்னுரிமை வழங்கப்படும்.

**நேர்முகத் தேர்வுக்கு ரயில் கட்டணம் வழங்கப்படும்.**