“பென்காட் சிலாட்: தமிழக வீரர்களுக்கு வெண்கலப் பதக்கங்கள்”

இந்தோனேசியாவின் தற்காப்புக்கலையான பென்காட் சிலாட், தமிழகத்தில் தற்காப்புக்கலையாக உள்ளது. 2018-ம் ஆண்டிலிருந்து ஆசிய விளையாட்டுப் போட்டிகளில் இது சேர்க்கப்பட்டு வருகிறது. இந்த ஆண்டுக்கான 8-வது ஆசிய பென்காட் சிலாட் போட்டி உஸ்பெகிஸ்தானில் கடந்த 9-ம் தேதி முதல் 16-ம் தேதி வரை நடைபெற்றது. இதில், ஆசிய கண்டத்திலிருந்து 16 நாடுகள் பங்கேற்றன.

இந்திய அணியில், தமிழகத்தைச் சேர்ந்த 7 வீரர்கள் உள்பட 36 வீரர்கள் கலந்துகொண்டனர். இந்திய அணி 2 தங்கம், 2 வெள்ளி, 12 வெண்கல பதக்கங்களுடன் ஐந்தாவது இடத்தைப் பிடித்தது. சண்டைப் பிரிவில் திருச்சியைச் சேர்ந்த கமலேஷ் (95 கிலோ) மற்றும் அரவிந்த் பிரகாஷ் (90 கிலோ) வெண்கல பதக்கங்களை வென்றனர். பதக்கங்களை வென்ற வீரர்கள் திருச்சி விமான நிலையத்தில் வரவேற்கப்பட்டனர்.

இந்த வீரர்கள் உலக சாம்பியன்ஷிப் போட்டிக்குத் தேர்வாகியுள்ளனர். அடுத்த ஒலிம்பிக் போட்டிகளில் பென்காட் சிலாட் சேர்க்கப்பட இருப்பது குறிப்பிடத்தக்கது.