பாராசிட்டமல் உட்பட 156 மருந்துகளுக்கு தடை… மத்திய அரசு அதிரடி

மத்திய அரசு 156 காக்டெய்ல் மருந்துகளுக்கு தடை விதித்துள்ளது, இது பொதுவாக பல மருந்துகளை ஒன்றாகக் கலக்கி தயாரிக்கப்பட்ட மருந்துகள் என அழைக்கப்படுகின்றன. இந்த மருந்துகளில் முடி வளர்ச்சி, தோல் பராமரிப்பு, வலி நிவாரணம், மல்டிவைட்டமின்கள், ஆன்டி-பராசிடிக்ஸ் மற்றும் ஆன்டிஅலெர்ஜி போன்றவற்றிற்காக பயன்படுத்தப்படும் வகைகள் அடங்கும்.

சிப்லா, டோரண்ட், சன் பார்மா, ஐபிசிஏ லேப்ஸ், லூபின் போன்ற முன்னணி மருந்து நிறுவனங்கள் இந்த தடையால் பாதிக்கப்பட்டுள்ளன. ஆய்வுகளில் இந்த மருந்துகள் மனிதர்களுக்கு ஆபத்து ஏற்படுத்தும் என்பதை கண்டறிந்து, மருந்துகள் தொழில்நுட்ப ஆலோசனை வாரியம் (DTAB) உறுதிப்படுத்தியுள்ளது.

தடை செய்யப்பட்ட மருந்துகளில் “Aceclofenac 50mg + Paracetamol 125mg”, “Paracetamol+Pentazocine”, “Levocetirizine + Phenylephrine” போன்ற பிரபலமான வலி நிவாரண மற்றும் சளி காய்ச்சல் மருந்துகளும் அடங்கும். இந்த தடையால் பல மருந்து நிறுவனங்கள் பெரும் இழப்பை சந்திக்க வேண்டிய நிலை ஏற்பட்டுள்ளது.