ஆனைமலை மாசாணி அம்மன் கோவிலின் குண்டம் திருவிழா நாளை கொடியேற்றத்துடன் தொடங்குகிறது. இந்த விழாவை முன்னிட்டு, வனப்பகுதியில் இருந்து 75 அடி உயரமான மூங்கில் கொடிக்கம்பம் கொண்டு வரப்பட்டது. கோவை, பொள்ளாச்சி, திருப்பூர், மதுரை, திண்டுக்கல், தேனி உள்ளிட்ட பல்வேறு பகுதிகளிலிருந்தும், எவ்விதப் பிரச்சனையும் இல்லாமல் ஆயிரக்கணக்கான பக்தர்கள் வந்து வணங்கி கும்பிடுகிறார்கள்.
குண்டம் திருவிழாவுக்கான அத்தியாவசிய முன்னேற்பாடுகள் நடைபெற்று வருகின்றன. விரதத்தை தொடங்கிய நூற்றுக்கணக்கான பக்தர்கள், சர்க்கார்பதி வனப்பகுதியில் இருந்து 75 அடி உயரம் கொண்ட மூங்கில் கொடிக்கம்பத்தை தோளில் சுமந்து மாரியம்மன் கோவிலுக்கு எடுத்துக் கொண்டு வந்தனர். அங்கு சிறப்பு பூஜைகள் நடத்தப்பட்டது. நாளை அதிகாலை, ஆனைமலை ஆற்றில் சிறப்பு பூஜைகள் முடிந்து, கொடிக்கம்பம் தோளில் சுமந்து, “மாசாணி தாயே” என்ற கோஷத்துடன் முக்கிய வீதிகளில் வந்து கோவிலுக்கு கொண்டுவரப்படுவது நடைபெறும்.
இந்த நிகழ்ச்சியில் முன்னாள் பேரூராட்சி மன்ற தலைவர் ஏஆர்வி சாந்தலிங்க குமார், முறைதாரர்கள் மனோகரன், கிருஷ்ணன் மற்றும் ஆனைமலை மாசாணி அம்மன் கோவில் நற்பணி மன்ற குழுவினர் கலந்து கொண்டனர்.
