சென்னைப் பெருநகர் வளர்ச்சிக் குழுமத்தின் சார்பில் போரூரில் 16.60 ஏக்கர் பரப்பளவில் ரூ.12.60 கோடி மதிப்பில் உருவாக்கப்படும் ஈரநிலை பசுமை பூங்கா, ஏராளமான வசதிகளுடன் அடங்கியதாகும். இதில் 103 இருக்கைகள், செங்கல் நடைபாதை, கருங்கல் நடைபாதை, கூடைப்பந்து விளையாட்டுத் திடல், சிறுவர் விளையாட்டுத் திடல், 6.85 ஏக்கர் பரப்பளவில் ஏரி, உடற்பயிற்சி திடல், வாகன நிறுத்தம், கழிப்பிடம், கடைகள், மின்விளக்கு, சிசிடிவி கேமராக்கள் உள்ளிட்ட பல்வேறு வசதிகள் கொண்டதாக அமைக்கப்பட்டுள்ளது.
இந்நிலையில், இந்து சமய அறநிலையத்துறை அமைச்சரும் சென்னைப் பெருநகர் வளர்ச்சிக் குழுமத் தலைவருமான பி.கே.சேகர்பாபு இன்று காலையில் பூங்கா பணிகளை நேரில் ஆய்வு செய்தார்.
அந்த நேரத்தில் பூங்கா பணிகளின் நடத்தை, நிறைவு தேதி போன்ற விவரங்களை அதிகாரிகளிடம் கேட்டறிந்த அமைச்சர், கூடுதலாக மின்விளக்கு மற்றும் பாதுகாப்பு வசதிகளை மேம்படுத்த பரிந்துரைகள் வழங்கினார். அத்துடன் குளத்தில் மலர்ந்திருந்த தாமரை மலர்களை அகற்ற வேண்டும் என அதிகாரிகளுக்கு உத்தரவிட்டார். “ஏரியில்கூட தாமரை மலரக் கூடாது” என கிண்டலாகவும் அவர் குறிப்பிட்டார்.
இந்த ஆய்வின் போது காரம்பாக்கம் எம்எல்ஏ க.கணபதி மற்றும் அரசுத் துறையின் அதிகாரிகளும் உடனிருந்தனர்.
“ஏரியில்கூட தாமரை மலரக் கூடாது” என கிண்டல் – அமைச்சர் சேகர்பாபு…
