தமிழக பாஜக தலைவர் அண்ணாமலை, சர்வதேச அரசியல் படிப்பை மேற்கொள்ள விரைவில் லண்டன் பயணம் செய்ய உள்ளார். லண்டனில் 3 மாதங்கள் தங்கி, ஆக்ஸ்போர்டு பல்கலைக்கழகத்தில் சர்வதேச அரசியல் பாடங்களைப் படிக்க அவர் திட்டமிட்டுள்ளார்.
அண்ணாமலைவின் இந்த பயணம் காரணமாக, தமிழக பாஜக மாநிலத் தலைவர் பதவியில் மாற்றம் ஏற்படுமா என்ற கேள்வி பாஜகவினரிடையே எழுந்துள்ளது.
இது தொடர்பாக, பாஜக தலைமை ஆலோசனை நடத்தியது. பாஜக நிர்வாகிகளின் தகவலின்படி, அண்ணாமலை வரும் 28-ந்தேதி லண்டன் புறப்பட உள்ளார். செப்டம்பர் 2-ந்தேதி முதல் அவர் ஆக்ஸ்போர்டு பல்கலைக்கழகத்தில் சர்வதேச அரசியல் படிப்பை தொடங்க உள்ளார்.
அவர் லண்டனில் இருக்கும் 3 மாதங்கள் முழுவதும், அங்கிருந்தபடியே கட்சியின் முக்கிய விவகாரங்களை கவனிப்பார். 2026 சட்டப்பேரவைத் தேர்தலிலும் அண்ணாமலையே தமிழக பாஜக தலைவராக நீடிப்பார் என தேசிய தலைமை விரும்புகிறது.
கட்சியின் அமைப்பு பணிகளை கேசவ விநாயகம் வழக்கம்போல் கவனிப்பார். அடுத்த 3 மாதங்களில், தேவையான சந்தர்ப்பங்களில், பாஜக மூத்த நிர்வாகிகள் காணொலி மூலமாக அண்ணாமலையுடன் ஆலோசித்து, முக்கிய முடிவுகளை எடுப்பார்கள் என கூறப்படுகிறது.
Leave a Reply