இனி 2 மணி நேரத்தில் பேன் கார்டு பெற்றுக் கொள்ளலாம்..

நிரந்தர கணக்கு எண் (PAN) எனப்படும் பான் கார்டு, இந்திய வருமான வரி துறையால் வரி செலுத்துவோருக்காக வழங்கப்படும் 10 இலக்க எண் ஆகும். பான் கார்டுக்கு ஆன்லைனில் விண்ணப்பிக்க சிரமப்படுகிறீர்களா? அப்பொழுது, அருகிலுள்ள சில்லறை விற்பனைக் கடைகளில், குறிப்பாக ‘PayNearby’ போன்றவற்றில், நீங்கள் இரண்டு மணி நேரத்திற்குள் உங்கள் டிஜிட்டல் பான் கார்டைப் (ePAN) பெறலாம்.

2024 மார்ச் 31 நிலவரப்படி, 31.05 கோடி பெண்களும் 42.10 கோடி ஆண்களும் பான் கார்டு வைத்துள்ளனர். இந்த வேறுபாடு நகர்ப்புறம் மற்றும் கிராமப்புறங்களில் இன்னும் அதிகமாக உள்ளது. இதனைக் குறைப்பதற்காக ‘PayNearby’ மற்றும் பிற சில்லறை விற்பனைக் கடைகள் PAN சேவை மையமாக மாற்றப்பட்டுள்ளன.

PAN கார்டைப் பெறுவதற்கான செயல்முறை:

1. புதிய பான் கார்டுக்கு விண்ணப்பிக்க அல்லது புது பான் கார்டுக்கு புதுப்பிக்க வேண்டும் என்பதை கடை ஊழியர்களிடம் தெரிவிக்கவும்.
2. உங்கள் மொபைல் எண்ணை OTP சரிபார்ப்புக்காக வழங்கவும்.
3. ஏற்கனவே பான் கார்டு உங்களிடம் இருக்கிறதா என்பதை கடை ஊழியர்கள் சரிபார்க்க வேண்டும்.
4. தேவையான தகவல்களை, பெயர், ஆதார் எண் உள்ளிட்டவற்றை, நிரப்பவும்.
5. eKYC (ஆதார் விவரங்கள்) அல்லது ஸ்கேன் செய்யப்பட்ட ஆவணங்கள் மூலம் PAN கார்டு (ரூ.107) அல்லது ePAN (ரூ.72) தேர்வு செய்யவும்.
6. தேவையான கட்டணத்தைச் செலுத்தவும்.
7. eKYC அங்கீகாரத்தை முடிக்கவும்.
8. ஆவணத்தில் டிஜிட்டல் கையொப்பமிட்டு OTP மூலம் சரிபார்க்கவும்.
9. உங்கள் விண்ணப்பத்தின் நிலையைப் பார்த்து சரிபார்க்கவும்.
10. சிக்கல்கள் இருந்தால், பணத்தை திரும்பப் பெறுமாறு கோரிக்கை விடுக்கவும்.

தேவையான ஆவணங்கள்:

– ஆதார் அட்டை மற்றும் ஆதார் பதிவு செய்யப்பட்ட மொபைல் எண்
– வாக்காளர் அடையாள அட்டை
– பயன்பாட்டு பில்கள் (மின்சாரம், நீர், எரிவாயு)
– ஓட்டுநர் உரிமம்
– மெட்ரிகுலேஷன் சான்றிதழ்