மக்களவைத் தேர்தல்: 11 மணி நிலவரம்

மக்களவைத் தேர்தல் 5-ஆம் கட்ட வாக்குப்பதிவு நடைபெற்று வரும் நிலையில், காலை 11 மணி நிலவரத்தை தேர்தல் ஆணையம் வெளியிட்டுள்ளது.5 ஆம் கட்ட வாக்குப்பதிவு, உத்தர பிரதேசத்தில் 14, மகாராஷ்டிரத்தில் 13, மேற்கு வங்கத்தில் 7, பிகாா், ஒடிஸாவில் தலா 5, ஜாா்க்கண்டில் 3, ஜம்மு-காஷ்மீா் மற்றும் லடாக் யூனியன் பிரதேசங்களில் தலா ஒரு தொகுதிக்கு இன்று காலை 7 மணிக்கு தொடங்கி நடைபெற்று வருகின்றது. இந்த நிலையில் காலை 11 மணி நிலவரப்படி அதிகபட்சமாக மேற்கு வங்கத்தில் 32.70 சதவிகிதமும், குறைந்தபட்சமாக மகாராஷ்டிரத்தில் 15.93 சதவிகிதமும் வாக்குகள் பதிவாகியுள்ளதாக தேர்தல் ஆணையம் அதிகாரப்பூர்வமாக தெரிவித்துள்ளது.