சென்னை: தமிழ்நாடு அரசுப் பணியாளர் தேர்வாணையம் (டிஎன்பிஎஸ்சி) குரூப்-1 தேர்வில் தேர்வர்களால் இன்னும் பதிவேற்றப்படாத சான்றிதழ்களை நவம்பர் 2-ம் தேதி வரை பதிவேற்றம் செய்ய வேண்டும் என அறிவித்துள்ளது.
இதுதொடர்பாக டிஎன்பிஎஸ்சி தேர்வு கட்டுப்பாட்டு அலுவலர் அ.ஜான் லூயிஸ் வெளியிட்டுள்ள செய்திக்குறிப்பில், “குரூப்-1 தேர்வில் தேர்வர்கள் சிலர் தேவையான சான்றிதழ்களை பதிவேற்றம் செய்யாதது, அல்லது சிலவற்றை முழுமையாக பதிவேற்றம் செய்யாமலே விட்டது கண்டறியப்பட்டுள்ளது. இதனால், அவர்கள் ஆன்லைனில் சான்றிதழ்களை பதிவேற்றம் செய்ய கடைசி வாய்ப்பு அளிக்கப்படுகிறது,” என்று கூறியுள்ளார்.
தேர்வர்கள், தங்களது சான்றிதழ்களை நவம்பர் 2-ம் தேதி நள்ளிரவு 11.59 மணிக்குள் பதிவேற்றம் செய்ய வேண்டும். இதுகுறித்து, தேர்வர்களுக்கு எஸ்எம்எஸ் மற்றும் மின்னஞ்சல் மூலம் தகவல் தெரிவிக்கப்பட்டுள்ளது. காலவரையறைக்குள் பதிவேற்றம் செய்ய தவறினால், விண்ணப்பம் நிராகரிக்கப்படும் எனத் தெரிவிக்கப்பட்டுள்ளது.
குரூப்-1: சான்றிதழ் பதிவேற்றம்…
Leave a Reply